Sermimi tupinnartuliarsuit - qaamanermut uteqqilersut
Lockheed P-38 Lightningit tallimat oqaluttuarisaanermi tusaamasat 1942-mili Kalaallit Nunaanni sermimi sisujartuaartumiissimapput. Massakkut 100 m-mik itissusilimmit qaqitsiniaaneq soqutiginaqisoq aallartinneqalerpoq.
1992-mi Lightningini taaneqartuni arfinilinni siulleq qaqinneqareersimavoq. Massakkut timmisartunik takutsitsinerni nunarsuaq tamakkerlugu timmisartoq aliikkutaasarpoq. Timmisartut sinneri tallimat aassiinermi periaaseq avatangiisimut ajoqusiinngitsoq atorlugu Lost Squadron Recoverymit qaqinneqassapput.
Qaqitsiniaaneq iluatsissappat P-38 ataaseq Flyvevåbenmuseet Gatowmiittumut (Tyskland) neriorsuutaasimavoq, tassanilu aaqqissorneqaqqissaaq. Alla P-38 Danmarkimukassaaq. Annaassiniaanermi pilersaarutit tamarmik iluatsissappata Lightningit sinneri pingasut Kalaallit Nunaanni sermersuarmi akitsorterussinermi tuniniarneqassapput. Siunertaavoq peqataarusuttunik arlalinnik soqutiginnitsitsinissaq.
"Lost Squadron Recoverymi" misigisassarsiornermi peqataagit! Suliffeqarfiit taavalu timmisartunik nuannarisallit immikkut sammisaqarnikkut pisinnaasaqarnisi nassarlugit, atortussanik taavalu soorunalimi aningaasatigut tapersiinissannut peqataanissannullu tikilluaqqusaangaarputit.
Reykjavik Universitetimi Geologisk Institutimeersunit naatsorsuinerit taavalu naliliinerit malillugit timmisartut aputip manngertunngorluni naqinneqarnikup 100 m-isut issutigisup ataaniipput, kisianni ilusii ajoquserneqarsimanngillat. Aput timmisartut ungusimasaat avatangiiseq ajoqusernagu taavalu mianersorluni aatsinneqassaaq.
Aatsitsissut kranimi nivingasoq timmisartumut apuukkuni qummut nusunneqaqqissinnaassaaq taava timmisartut immikkoortiterneqassapput itersaliakkullu naqqaniit qummukaanneqassallutik.
Lockheed Lightningit takusinnaasaq malillugu ima ajoquserneqanngitsigaat allaat ilusikuminnut aaqqissorneqaqqissinnaallutik imaassinnaavortaaq timmeqqissinnaassasut.
|
|
|
