Lost Squadron Recovery - Apeqqutigineqarajuttut

1.Qanoq ililluni annaassiniaaneq aningaasalersorneqarpa?
Arlalinnik sponsoreqarpugut, assersuutigalugu atisanut, nerisassanut taavalu assartuinissamut atortussanut. Suli siunnerfilimmik pilersinniakkamut sponsorissanik ujaasisarpugut. Aningaasalersuinerup annertunersaa WoRAGip (Worldwide Recoveries AG) akisussaaffigissavaa. Tapersersortinnissaq sapinngisamik atussavarput - illillu tapersiinissannut qilanaarpugut.

2.Timmisartunik annaassiniaanissaq qanoq akeqarpa?
Naatsorsuingaatsiarnerput tunngavigalugu ilimagaarput siunnerfilimmik pilersinniagaq 5 million Euro missaani atorlugit piviusunngorsinnaassasoq, soorunami arlaannik ajornartorsiutinik takkuttoqanngippat.

3.Siunnerfilimmik pilersinniakkanik nutaanik pilersaaruteqartoqarpa?
Isumassarsiaqartoqarpoq umiarsuup Tysklandimeersup Afrikami tasersuarmit qaqinniarnissaanik. Massakkorpiaq siunnerfilimmik pilersinniagaq Lost Squadron Recovery sukumiisumik sammivarput.

4.Timmisartut sumiiffii qanoq nanineqarpat?
Radari lavfrekvens atorlugu nunap iluani uuttuinernik misissuisartoq atorlugu, IceScopemik taaguutilik. 1992-mi annaassiniarneq peqqutigalugu timmisartut sinnerisa sumiiffii naluneqanngikkaluartut sumiissusersiorneqaqqittariaqarsimapput, timmisartut tarmarmik immikkut sikumi pisariteqqasut sinerissap tungaanut illikariartoramik. Reykjavik Universitetimi uuttuinerit ingerlanneqarput.

5.Kalaallit Nunaanni timmisartunik annaassiniaanermi sulitilluni qanoq nillertigisinnaasassava?
Aprilip oktoberillu akornanni annaassinarnermi sulineq kisimi ingerlanneqassaaq. Piffissap taassuma ingerlanerani ullukkut 10-t 15-nillu akornanni kiatsigisassaaq, seqinermilu suli kiannerusassalluni. Unnukkut issilertarsinnaavoq. Sila apeqqutaasassaaq.

6.Nanoqarpa? Ulorianarsinnaava?
Isarukitsut nannullu imminnut nerinnginnerussammata isarukitsut Sydpolenimiipput taava nannut Nordpolenimi, Kalaallit Nunaanniillutik. Nannut amerlasuutut taaneqarsinnaapput, tassami Kalaallit Nunaanni nannut 1.800 missaaniipput. Kalaallit kisimik nannunniaqqusaapput. Taamaattumik tammaarsimaarfik kalaallinit inuussutissarsiutigalugu piniarnermik allagartalinnik eqqanaarisoqassaaq.

7.Itersami timmisartup inissisimaffiani qanoq nillertigaa?
0 gradit ataaniitsiaannarpoq.

8.Sooruna itersaq nakkaattoornavianngitsoq?
Ukiut arlallit ingerlanerini aput nammineq naqitsiminerminit manngertikkami. Alperne-mi sermimi sisujartuaartumi putoqarpoq. Assersuutigalugu Rhone-p sermiini putoqarpoq takornarianit ukiuni arlalinni orninneqarsinnaasimasunik.

9.Sooruna timmisartut sequtsinngitsut? B-17-mi?
Timmisartut sorsuutit P-38-t sananeqaataat taavalu illersuutaat nukittungaatsiartuuvoq silaannarmi saassutsinermi illersorsinnaaniassammat. Timmisartoq qaartartulik soorlu B-17 oqimaatsunik illersuuteqanngilaq qaartartut sapinngisamik amerlanerpaat taavalu ikummatissamik sapinngisamik annertunerpaamik angallassisinnaaniassammat. 1992-mi "Glacier Girlimik" annaassinerup uppernarsarpaa P-38 iluatsittumik qaqinneqarsinnaasoq.

10.Sulisut tammaarsimaarfimmi sunik nerisassappat?
Europap qeqqani najugallit atortagaat tamaasa taavalu containerimi peqqumaatigineqarsinnaasut. Nerisassat nutaat soorlu puisip neqaa, naatitat taavalu aalisakkat sumiffimmi pissarsiassaassapput.

11.Kikkut timmisartut pigissavaat?
Kalaallit Nunaanni inatsit malillugu assaasoq piginnittuussaaq! Oqartussanit tamanit uppernarsarneqarnikuuvoq. Responsumimik Danmarkimeersumik peqarpugut. US-Armyp qangarsuarlili piginnittussaassusertik tunniutiinnarnikuuaat.

12.Timmisartut timmeqqissinnaassappat?
"Glacier Girlimit" misilittakkat malillugit timmisartumik nutarterilluni aaqqissuinissaq "taamaallaat" apeqqutaaginnarpoq. Nuannaassaqaagut "timmiaq" ataasinnguarluunniit annaanneqareerluni timmeqqissinnaassappat.

13.Kikkut atorfissaqartippisigit? Qanoq peqataasinnaavunga?
Annaassiniaanissap aallaqqaataani inunnik sapinngisamikkut, ilisimasamikkut taavalu aningaasatigut tapersersuisinnaasunik ujaasivugut. "Team" takuuk paasisaqarnerorusukkuit.

14.Kalaallit Nunaanni sermersuaq qanoq issutigaa?
2800 m tungaanut issutigaaq!

15.P-38 qanoq naleqarpa?
Pisisussat akilerusussinnaasaata tungaanut naleqarput. Timmisartoq aaqqissorneqanngitsoq 2 mio. US-Dollar missaani ulluni makkunani naleqarpoq. Timmisartoq aaqqissornikoq tingisinnaasorlu 10-20 mio. US-Dollar missaani naleqarpoq.

16.Sooruna ungasinnersiuillusi Tysklandimiit Kalaallit Nunaat kitaata sineriaanukarniartusi timmisartut qaqitassat Tunup sineriaaniippata?
Tunumiit timmisartunukarnissaq naannerujussuuvoq kisianni aqqutaa sermimi quppanik pissuanartunillu allanik ulikkaarpoq. Taamatuttaaq umiarsualivik julimi augustimilu taamaallat sikusimasarnani. Kitaani siku narlorissuuvoq taavalu umiarsualivik ukioq tamangajaat atorneqarsinnaalluni.

17.Qanoq sulisussat, tusagassiuisussat taavalu nerisassat nutaat qaqitsiffimmukaanneqartassappat?
Atortussat tunngaviusut containerimi qamuteq angallatitalik atorlugu kitaaniit tammaarsimaarfissamut angallanneqassapput. Sinneri tamaasa ilaatigut sulisussat, tusagassiortut, paarlaasussat il.il. timmisartumik tammaarsimaarfimmukaanneqassapput.

18.Qaqitsiniaanerup ingerlanerani eqqagassat takkussuuttut suneqassappat?
Qaqitsiniaanerup ingerlanerani eqqagassat takkussuutut tamarmik qaqitsiffimmiit peerneqarumaarput. Tassa isumaqarpoq eqqagassat tamarmik katersorneqassasut taavalu nassarneqassallutik. Eqqarsaatigalugu qaqitsiffimmut nassatatsinniit eqqagassat takkussuuttut amerlanerusinnaanngillat.

19.Siunnerfilimmik pilersinniagaq qanoq isumassarsiarineqarpa?
Dieter Herrmann-ip Lightningimik annaassiniaaneq siulleq 1990-ikkunni soqutiginniffigilerpaa. Tamatumalu kingorna timmisartut sinneri qaqinniarnissaat kiiisalu timmisartutoqqat tamanit takuneqarsinnaanngornissaannut pilersaarut ingerlatilerlugu.

20.Annaassiniaaffissaq qanoq tikinneqassava? Kalaallit Nunaanni aqqusineqarpa, timmisartoqarfeqarpa taavalu imakkut aqquteqarpa?
Illoqarfiit ikittuni taamaallaat aqqusineqarpoq. Qimussit, qamutit taavalu timmisartut nalinginnaasumik angallatigineqartarput. Taamatuttaaq qamutit aputikkoorutit taavalu bæltekøretøjit allat aamma angallataasarlutik.

21.Uffarfiimmi anartarfiillu?
Tamakkununnga tunngasut tamaasa tammaarsimaarfiusussami sananeqasssapput.