Timmisartoq 3000 HK qangattartinneqarpoq Tysklandimut sorsunnermi akiuisussatut
Lockheed-Lightning 1937-mi qutsissumi sorsuutissatut sananeqarpoq. Siullerpaamik februarip 11-ani 1939-mi nalunaaquttap akunnerinik arfineq marlunnik sivisussisulimmik Californiamiit New Yorkimut timmisartornermi timmisartoq sorsuut tamanut ammasumik takutinneqaqqaarpoq.
Lightning-ip immikkut ittumik sananeqaataa peqqutaalluni takkuteqqaarnerani ajornartorsiutit annertoqaat piffissangaatsiarlu aatsaat qaangiummat timmisartoq sorsugiarnissamut piareerluni.
1942-mi ukiup affaa kingulleq P-38 arlallit Nordafrikami atorneqarput. Ilusia peqqutaalluni tyskit Luftwaffemeersut Lightningi taagorpaat "Gabelschwanz-Teufel" (Tiaavulu arlariinnik pamiulik). P-38p suluata ataani katatsinneqarsinnaasumik allamik aamma tankeqarmat timmisartut qaartartullit ungasissumut timmisinnaasut ingerlaaraangata pingaartumik atorneqartarsimavoq. Lightningi tamatigoortuummat qaartartumeeriniarnermilu silaannakkoorluni nakkarsapiloorsinnaalluni, pukkitsuni saassussinermi taavalu timmisartorluni alapernaarsuinermi atorneqartarsimavoq.
1945-mi tunisassiornerup uninnissaata tungaanut timmisartut P-38-tut ilusillit 9.923-t sananeqarsimapput, taakkunanilu massakkut Ikittuinnaat kiserngorupput.
Sulumiit sulumut takissuseq:
|
15, 85 m (52 ft.) |
| Takissuseq: |
11,60 m (37 ft. 10 in.) |
| Portussuseq: |
4 m (12 ft. 10 in.) |
| Oqimaassuseq: |
Annerpaamik 7.938 kg (17.500 lbs.) |
| Sakkui: |
50 cal. aallaasit eqittaannartakkat sisamat, qamutilik 20 mm ataaseq |
| Motoori: |
Allison V-1710 marluk immikkut tamarmik 1.475 hk missaani |
| Akia: |
115.000 US-Dollar missaani |
| Annerpaamik sukkassusia: |
665 km/h (414 mph) |
| Ingerlaarnerani sukkassusia: |
440 km/h (275 mph) |
| Ingerlaarfigisinnaasaa ungasinnerpaaq: |
1.760 km (1.100 miles) |
| Qutsinnerpaaffik: |
12.190 m (40.000 ft.) |
|
 |
|
