2008 Marts 2008: Safety first! Suliffeqarfik DRÄGER Tysklandimi hansestade-mi Lübeckimeersoq (www.draeger.com). Nunap iluani suliaqarnermi isumannaallisaanermi teknikkinik nalunngisaqarluartut. DRÄGER timmisartunik annaassinissamut siunnerfilimmik pilersinniakkami annaassiniaanermi taavalu alapernaarsuinermi atortussarsinissami tapersiissaaq. 2007 Februar 2007: Tasiilamut (Kalaallit Nunaat) angalaqqinneq. Massakkut Marion Althaus, Kay Andersson taavalu Dieter Herrmanni ilaapput. Oqartussat oqaloqatiginerini logistikkikkut taavalu angallassinermi periarfissat eqqartorneqarput. Oqartussat siunnerfilimmik pilersinniagaq aappassaa tapersersussanerarpaat. Marts 2007: Ilaasortat marluk (Oliver Buss taavalu Manuel Brux) "Lost Squadron Recovery" sinnerlugu Kalaallit Nunaata kitaani sineriammut aallarput. Tassani containerinik aammalu atortussanik angallavigisassat paasisassarsiorfigaat. Sumiiffimmi oqartussanut attaveqarneq aallarnerneqarpoq. September 2007: Suliffeqarfik Hellgeth-Engineering (www.hellgeth.de) Angallatinik "Hägglunds BV 206"-nik nutarterisarlutillu tunisassiortarput. Hellgeth timmisartunik annaassinissamut siunnerfilimmik pilersinniakkami "Hägglundsinik" piumasaqaatit aalajangersimasut malittaralugit attartuissaaq. September 2007: Pingajussaa mittarfeqarfimmi Schöhagenimi ataatsimiinneq. Siullermi naapinnermi igasut, Kalaallit Nunaanni aamma sulisussat ilaasortanut iggassipput. Suna tamarmi ingerlalluarpoq, nerisassat assut mamarput taavalu ilaasortat tamarmik qaarsillarlutik! Suleqatigiit siunnersuutiliorput. 2006 Februar 2006: Oqartussanit peqatigiiffik siunnerfilimmik pilersinniagalik "Lost Squandron Recovery" tamanut iluaqutaasinnaasutut nalilerneqarpoq. April 2006: Suliffeqarfik VAUDE (www.vaude.de) ilisimasassarsiornerni atortussanik sanasarlutillu tunisassiortarput. VAUDE tupinik, atisanik il.il. piumasaqaatit aalajangersimasut malittaralugit tunniussinissaminut neriorsuivoq. Maj 2006: Peqatigiiffik siunnerfilimmik pilersinniagaq "Lost Squandron Recovery" ILA-mi (International Luftfart Udstilling) Berlinimi peqataavoq. Forlagip Motorpresse Stuttgartimeersup (www.motorpresse.de) siunnerfilimmik pilersinniagaq tapersersorpaa. Alakkaasut tusindillit timmisartunik annaassinissamut siunnerfilimmik pilersinniagaq paasisaqarfigaat. September 2006: Ilaasortat mittarfimmilu Schönhagenimi sulisut aappassaa ataatsimiipput. Mittarfeqarfimmi oqartussaasut ataatsimiinnerup ingerlanerani isumaqataanertik oqaatigaat. Peqatigiiffik 400-ngajannik ilaasortaqarpoq. September 2006: Kalaallit Nunaanni timmisartunik annaassiniarnermi atisat sullisissat Sverigemit tikipput. Suliffeqarfik Fristad (www.fristad.se) sullisinik overallinik tunniussipput. Sikuiuitsumi Avannarlermi nunani sullisissatut overallit tullluarsagaapput. 2005 Marts 2005: Berlinimi mittarfeqarfimmiit aningaasatigut taavalu namminerisamik tapersiineq peqqutaalluni siunnerfilimmik pilersinniagaq "Lost Squandron Recovery" pillugu ilisimatitsinissamut aaqqissuussineq mittarfeqarfimmi Berlin-Schönefeld piviusunngorpoq. Inuit 200 missaaniittut peqataapput. September 2005: Peqatigiiffik 250 missaanii ilaasortaqarpoq. Mittarfik Schönhagenimi (www.edaz.de) Berlinip eqqaani sulisullu ataatsimiinneq siulleq pivoq. Suleqatigiit siulliit pilersinneqarput. Oktober 2005: Schweizimi nalunaaqutaliortartup FORTIS-ip (www.fortis-watch.com) Tysklandimi filialia peqatigiiffimmit pulaarneqarpoq. Fortis timmisartunik annaassiniaanissamut tapersersuissaaq. Pisussat kingusinnerusukkut isumaqatigiissutigineqassapput. 2004 Februar 2004: Erseqqissimmat timmisartunik annaasiniaanermi siunnerfilimmik pilersinniagaq angissussaa tunngavigalugu inatsisitigut naapertuuttumik tunuliaquteqartoq peqatigiiffimmi inuit qulingiluat naapipput oqaluttuarisaanermi angallatitoqqanik annaassiniaasartut peqatigiiffiat pilersillugu ("Verein zur Bergung historischer Fahrzeuge e.V."). Berlin-Charlottenburgimi peqatigiiffik ingerlaannaq nalunaarsorneqarpoq. Pilersitsinermi ataatsimiinnermi aalajangerneqarpoq P-38 "Lightning" tallimat annaanniarnissaat taaguuteqassasoq "Lost Squadron Recovery". Maj 2004: Tasiilamut (Kalaallit Nunaat) paasisassarsiorluni angalaneq siulleq. Allan Greusen, Dieter Herrmann taavalu Kay Andersson (kingusinnerusukkut siulersuisuni ilaasortanngorpoq) ilaapput. Amtimi borgmesteri, borgmesteri taavalu Tunumi takornariartitsinermut kattuffimmi sulisut oqaloqatigineqarput (www.eastgreenland.com). Ataatsimiinnerit tamarmik ingerlalluarput. Tunumiut siunnerfilimmik pilersinniagaq tapersersorpaat - ingammik ilimagineqarmat tusagassiuisartut arlallit timmisartunik annaassiniaanissamut soqutiginnissammata taamaasilluni kinguneqarsinnaassalluni takornariat amerlinissaat. Juni 2004: Sianigisunnguamik sponsorinut siullernut attaviginninneq aallartippoq. Suliffeqarfik GESAT (www.gesat.de) satellitikkut annaassiniaafimmut annaassiniaafimmiillu attaveqaqatigiinnissap isumaginissaa neriorsuutigaa. Suliffeqarfimmi Kässbohrer Laupheimimiittumi pulaarnermi erseqqissivoq suliffeqarfiup PistenBully (www.pistenbully.com) piumasaqaatit aalajangersimasut malillugit tunniussinnaassagaat. 2003 Upernaaq 2003: Lasse Rungholm taavalu Dieter Herrmann ataatsimiinnerat siulleq pivoq. Marion Althaus suli siunnerfilimmik pilersinniagaq pimoorullugu sulisoq aammattaaq peqataavoq. Ataatsimiinneq Lassep illuani Århusip eqqaani pivoq. Lassep uppernarsarpaa peqatigiiffik kisimiilluni ingerlassinnaanagu. Dieterimut allagaatit pingaarutillit tamaasa tunniuppai taamaasilluni Dieteri annaassiniaanissamut siunnerfilimmik pilersinniakkami aqutsisunngorpoq. Allagaatit timmisartut pillugit paasissutissarpassuarnik allaqqasoqarput. Taamatuttaaq timmisartut inissisimaffii pillugit taavalu Kalaallit Nunaanni pissutsit pillugit imaqarlutik. Ukiaq 2003: Lassep ataatimiinnissaq siunnersuutigaa. Allan Greisen peqataassaaq. Allan Odensep eqqaani najugaqarpoq aqqartartutullu ilinnarsimasuulluni. Arlaleriarluni Kalaallit Nunaanni sulinikuuvoq taavalu P-38-imik siullermik annaassiniaanermi peqataalluni. 1999-mi timmisartup ataatsip sumiffia nanisimavaa. Lasse, Allan, Dieter Marionilu Flensburgimi naapipput. 1992-2003 1999: Qallunaat peqatigiiffiat (Lasse Rungholmip aqutaa) annaassiniaanissamut siunnerfilimmik pilersinniagaq unitsiinnarpaat. Tunngavigineqarpoq annaassiniaanissamut siunnerfilimmik pilersinniakkamut aningaasalersuinissamut Danmarkimi sponsorit ikippallaarnerat. 1995: Lasse Rungholm taavalu Dieter Herrmann oqarasuaatikkut oqaloqatigeeqqaarput. Lassep uppernarsarpaa timmisartunik aannassiniaaniarluni taamatuttaaq internetikkut nittartagaq www.lost.dk -mut innersuussivoq - massakkut nittartagaq atorunnaarnikuuvoq. Dieteri timmisartunik annassiniaanissaq tv-kkut nalunaarusiorniarpaa. Lasse oqarpoq annertunerpaamik akiliiniat tv-kkut aallakaatitsinissamut pisinnaatitaaffeqassasut. Dieter-ip tamanna iluarinngilaa tv-kkullu siunnerfilimmik pilersinniagaq ingerlakkunnaarlugu - kisianni timmisartunik annaassiniaanissamut siunnerfilimmik pilersinniagaq malinnaavigiinnarpaa. 1994: Dieter Herrmanni 1992-mi annaassiniaanermi akisussaaffeqartut attaveqarfigai. Tusagassiortutut annaassiniaanissamut tullernguussinnaasumut Dieter-ip soqutiginninnini takutippaa. Dieter misigisassarsiortartumut taavalu timmisartunik aquttumut Lasse Rungholmimut unnersuunneqarpoq. Lassep siunertaraa P-38 tallimat sinneri sikumit annaanniarlugit. 1992: Arlaleriarluni misileereernermi Lockheed P-38 "Lightning" siulleq Kalaallit Nunaanni sikumit Amerikarmiunit annaanneqarpoq.