Sikuiuitsoq Avannarlermi misigisassarsiornermi logistikki pingaarnersaavoq

Atortussat pisariaqartut nassaarfimmut assartornissaannut utimullu kiisalu timmisartut qaqitat assartornissaannut logistikkikkut ajornartorsiutit amerlaqaat.

Mittarfik qaninnerpaaq Kulusuk (KUS), Tasiilamiippoq. Kisianni umiarsualivik tassaniittoq julimi augustimilu taamaallaat sikusimaneq ajorpoq - tassalu sila peqqutigalugu piffissami tassani annaassiniaanissaq kingusippallaarluni.

Taamaattumik maskiinat atortussallu Danmarkimiit Tysklandimiillu toqqorsivinniit umiarsuit assartuutit atorlugit Kalaallit Nunaata kitaata sineriaanut assartorneqassapput. Tassani containerit qamutinut usineqassapput taavalu PistenBully atorlugu Kalaallit Nunaanni sermersuaq ikaarlugu annaassiniaaffissamut kalinneqassallutik. Kulusuup mittarfeqarfianiit sulisussat, logistikerit taavalu tusagassiortut timmisartumik nassaarfimmukaanneqassapput.

Taamatuttaaq pigisat soorlu atortussamaatit kiisalu peqqumaatit (ikummatissat, nerisassat) timmisartoq pilersuisussaq atorlugu Reykjavikimiit imaluunniit Kulusummiit suliffiusussamut assartorneqarsinnaassapput. Timmisartoq nunninnermi sisoraatinik assakaasunillu atortulik peqqutaalluni pilersuinissaq isumannaarneqarpoq.

Ajornartorsiutit mittarfimmi aatsaat iluamik pisussaapput. Tassami qeqertamiippoq nunavimmut attaveqarani. Taamaattumik immakkut silaannakkulluunniit aqqut atorneqassaaq. Kulusummiit Lost Squadronikkut nassaarfianut silaannakkut aqqut 200 km-voq, nunakkullu ingerlaarfiusinnaanani. Assartuutit aputikkoorutit angisuut taavalu luftpudebådit atorlugit assartuinissaq ajornarpoq sermimi qupparsuit innarsuillu peqqutaallutik.

Atortussanik, peqqumaatinik (ikummatissat, nerisassat) taavalu inunnik mittarfeqarfimmiit suliffiusussamut utimullu assartuinissamut periarfissatuaq tassaavoq timmissartornissaq. Helikopterit taavalu timmisartout nunninnermi sisoraatinik atortullit tammaarsimaarfiusussami peqqumaatissanik isumannaarinnipput.